Աշխարհում 1.3 մլրդ երեխաների կյանք կարելի է փրկել...

Աշխարհում 1.3 մլրդ երեխաների կյանք կարելի է փրկել, եթե վեջիններս ստանան կրծքով սնուցում

Կրծքով սնուցման խրախուսման և մանկական սննդի շրջանառության օրենսդրական կարգավորման անհրաժեշտության մասին այսօր լրագրողների հետ հանդիպման ժամանակ խոսեց «Վստահություն» առողջապահական ՀԿ-ի նախագահ, մանկական սնուցման հարցերով Յունիսեֆի և Առողջապահական համաշխարհային կազմակերպության փորձագետ Սուսաննա Հարությունյանը։

Փորձագետ Սուսաննա Հարությունյանի փոխանցմամբ, կրծքի կաթը գերադասելի է երեխային տրվող ցանկացած այլ սննդից, այն պարունակում է անհրաժեշտ սնուցող նյութեր, որոնք պաշտպանում են մանկանը հիվանդություններից։

«Դա երեխաների համար լավագույն սննունդն է, որն ապահովում է առողջ աճ ու զարգացում։ ԱՀԿ և Յունիսեֆի հետազոտության տվյալների համաձայն, աշխարհում 1.3 մլրդ երեխաների կյանք կարել է փրկել, եթե վեջիններս ստանան կրծքով սնուցում։ ԱՀԿ նշում է, որ մինչև վեց ամսեկան երեխաները բացի կրծքի կաթից ուրիշ սննդի կարիք չունեն»,- նշեց Սուսաննա Հարությունյանը։

Փորձագետը նաև նշեց, որ երեխայի աճի և սնուցման ընթացքում մայրերը պետք է շատ ուշադիր լինեն նաև կաթնախառնուրդների օգտագործման ժամանակ` տեղեկանալով հատկապես վերջինիս բաղադրության և արտադրության մասին։

Հարցեր, պատասխաններ, մեկնաբանություններ